Lizarra Badminton Taldeak bidalitako albistea
CBEko jokalariak indarberrituta itzuli dira entrenamenduetara, merezitako oporren ostean. CBEk antolatutako eta Enrique Fernandezek (Valladolideko Unibertsitatea) emandako entrenamendu-campus batean hasi dute denboraldia. Gure jokalariek ondo pasatzeko eta izerdi patsetan ikasteko aukera izan zuten goizeko eta arratsaldeko saioetan.
Eta gehiago itxaron gabe, datorren asteburuan lehiaketa bikoitzari ekingo diogu. 13 eta 17 urtez azpiko mailako jokalariak Santanderrera joango dira Master N3ko kategoriako txapelketa bat jokatzera. Gainera, 15 eta 19 urtez azpiko kategorietako jokalari nazional onenak Lizarrara etorriko dira Master N3ko kategoriako txapelketa bat jokatzera, CBEk antolatua eta "Tierra Estella-Lizarrerria" Udal Kiroldegiko Pabiloian jokatuko dena. Badminton ona ikusteko aukera paregabea gure herrian.
Argazkiak: CBE
