Lizarra Badminton Taldeak bidalitako kronika
Daniel Chascok brontzezko domina lortu du 11 urtez azpiko gizonezkoen banakako kategorian, asteburu honetan Oviedon jokatutako 11 eta 19 urtez azpiko Espainiako Txapelketetan. Daniel finalerdietaraino iritsi zen lau partida oso lehiatu irabazi eta gero. Behin finalerdietara iritsita, oso parekatua izan zen lehen seta jokatu zuen, final estu batean ihes egin zitzaiona (16-14), eta bigarren batean jada ez zuen aukerarik izan. Edonola ere, emaitza bikaina Lizarra BTko jokalariarentzat.
Oviedora taldeko lau jokalari joan ziren Nafarroako Badminton Federazioarekin: 11 urtez azpiko bi, Nerea Larrion eta Daniel Chasco eta 19 urtez azpiko Leire De Antonio eta Eider Pelaez. Gazteenek 11 urtez azpiko binakako mistoen txapelketa on bat jokatu zuten, non bi partida irabazi zituzten, eta hurrengo fasera igarotzeko zorian egon ziren, binakako azken partidak hirugarren set berdindu batean ihes egin baitzitzaien. 19 urtez azpikoek, Leire De Antoniok eta Eider Pelaezek, binakako partidetan txandaz pasatzeko aukera izan zuten, baina ez zuten zorterik izan partidaren amaieran.
Baina gehiago ere izan zen, Lizarra Badminton Taldea Gasteizen izan baitzen Top TTR mailako txapelketa batean. Emaitzak hauek izan ziren:
-1. Postua:
17 urtez azpiko emakumezko banakakoa - Irati Baquedano
17 urtez azpiko binakako mistoa - Noa Vidán/Iván Berné
Binakako misto absolutua - Raúl Martínez de Olcoz/Rocío Ajona
Senior B2ko gizonezko banakakoa - Francisco Javier Baquedano
-2. Postua:
17 urtez azpiko emakumezko banakakoa - Noa Vidán
Gizonezko binakako absolutua - Francisco Javier Baquedano/Jorge Peñaranda (Soria)
Senior B2ko gizonezko banakakoa - Ángel Urra
-3. Postua:
17 urtez azpiko binakako mistoa - Mikel Martinez de Estívariz/Irati Baquedano
Gizonezko binakako absolutua - Rubén Boza/Raúl Martinez de Olcoz
Datorren astean ere emozio handiko hitzordu bat izango dugu Espainiako 15 urtez azpiko Txapelketa izango baitugu Murtzian; han izango dira Rocio Ajona eta Irati Baquedano.
Argazkiak: CBE
