Ostegunean hasi zuten beren ibilbidea lehen aldiz adimen urritasuna duten pertsonentzako areto futboleko Espainiako Txapelketan El Molino Kirol Klubeko bost mutilek eta bi neskak; Segoviako pistetan dena eman dute Egokituen 2. kategorian. Lehen esperientzia honek, dominak lortzeko balio izan ez badu ere, hurrengo edizioetarako ikaskuntzetan emankorra izan da, eta ziur lortutako 8. postua gaindituko dutela.
Egun bat geroago, 17 atleta abiatu ziren Ourensera pista estaliko Espainiako Atletismo Txapelketa jokatzera, adimen urritasuna duten pertsonentzako Nafarroako atletismoaren une ona berretsiz. Lehiaketako hiru jardunaldietan, El Molino KTko Ruben Pascualek urrezko domina lortu zuen 60 ml-tan eta zilarrezkoa 200 ml-tan. Bere taldekidea den Demba Diarrák ere zilarrezkoa lortu zuen 400 ml-tan eta brontzezkoa 200 ml-tan. T21/F21 kategorian, Daniel Muñozek urrezkoa eskuratu zuen 60 ml-tan eta pisu jaurtiketan, eta aurreko biekin eta Alberto Echarrirekin batera brontzezkoa lortu zuten 4x200 erreleboetan. Anfasen aldetik, Ivan Deborak zilarra lortu zuen 60 ml T21 proban.
Egokitutako modalitatean Anfas-eko Saioa Urbinak ere eskuratu zuen urrezkoa 60 ml-tan eta 400 ml-tan, bere taldekide Javier Eguilondok urrezkoa pisu jaurtiketan eta brontzezkoa 60 ml-tan lortuz. Kategoria horretan bertan, El Molinoko Mikel Urdiainek brontzezko domina bat lortu zuen 400 ml-etan.
Domina lortu zutenez gain, El Molinoko Mila Barricarte eta Iosu Pitillas eta Anfaseko Antonio Perez, Tomas Jose Baldera, Ramon Ramos, Pablo Ameztoy eta Gorka Peña, euren jardunekin El Molino 4. postura igotzea lortu zuten, eta Anfas, berriz, sailkapen nagusiko 6. postura, bertaratutako 26 taldeen artean.
