Espainiako Igeriketa Egokituaren FEDDI Txapelketan lehiatua izan zen apirilaren 9tik 12ra Mendizorrotzako Kirol Guneko barruko igerilekuan. Adimen desgaitasuna duten kirolariei zuzendutako hitzordu honetan 53 taldeko 260 igerilarik parte hartu zuten.
Nafarroak bi klub izan zituen ordezkaritzan: Ardoi I.K., Antonio Abadiano, Alvaro Labairu eta Andrea Hermosoren partaidetzarekin; eta ANFAS, Raul Alonso, Oscar Magaña eta Laura Ngorekin. Teknikari laguntzaile gisa Raul Gonzalez eta Eunate Beorlegui joan ziren.
Lehiaketa lau egunetan burutu zen, goizeko eta arratsaldeko saioekin, eta hainbat modalitate eta kategoria izan ziren. Txapelketan zehar hainbat estilotako banakako probak jokatu ziren, baita errelebokoak ere.
Lortutako emaitzak oso positiboak izan ziren. Nafarroako ordezkari gazteenak, Antonio Abadianok, hiru domina lortu zituen 18 urtez azpiko kategorian: urrezkoa tximeleta estiloko 100 metroetan, eta brontzezkoa tximeleta estiloko 50 metroetan eta 50 metro libreetan.
Laura Ngok brontzea lortu zuen 200 metro bizkar proban, eta Andrea Hermosok ere brontzezko domina nabarmena lortu zuen 100 metro libreetan, egokitutako kategorian. Kategoria berean, Oscar Magañak zilarrezkoa eskuratu zuen 50 metro libreetan.
Bestalde, Alvaro Labairu, dominarik lortu ez bazuen ere, 100 metro libreetako finalerako sailkatzetik oso gertu egon zen, eta bederatzigarren postuan amaitu zuen. Raul Alonsok lan bikaina egin zuen, bere hainbat marka hobetuz eta tximeleta estiloko 200 metroko finaletan parte hartuz, non podiumetik gertu ibili zen eta 4. postua eskuratu zuen, 400 eta 200 metro libreetan.
Taldekako sailkapen nagusian, ANFASek 24. postuan amaitu zuen, eta Ardoi 32. postuan sailkatu zen 47 klubetik.
Kirolari handiak biltzen dituen lehiaketa bat da, askotan oharkabean pasatzen den errealitate bati ikusgarritasuna ematen laguntzen duena.
Orain, igerilariak maiatzean izango den Nafarroako Igeriketa Egokituko Txapelketan buru-belarri ari dira prestatzen.
Zorionak!
