Urtarrilaren 25 eta 26ko asteburuan, Madrilgo Valdemoro herrian, Espainiako Igeriketa Axa Txapelketa izan zen, adin kategorien arabera egokitua.
Nafarroako 18 urtez azpiko selekzioa Txus García, Raúl González eta Eunate Beorlegui teknikarien aginduetara egon zen eta zortzi kirolarik osatu zuten taldea: Alex Mihi, Adur Mendivil, Ignacio Chaverri, Andrea de Jesús, Haizea Santiago, Nerea Ortiz, Iker Izurzu eta Iñaki Larrañeta. Gorka Rubiok, gripe-prozesu baten ondorioz baja izan zen.
Hau zen Nafarroa horrelako txapelketa batera joaten zen lehen aldia (bertan parte hartu zuten asko dira 2020ko Tokioko Jokoen helburua lortzeko borrokan ari direnak) hain talde handi eta gaztearekin, emaitzak oso onak izan ziren arren, ia erregistro guztiak jaistea lortu baitzuten.
Lehiaketari dagokionez, Nafarroak 13. postuan bukatu zuen 34 selekzio eta kluben artean. Igeriketa egokituaren teknikari eta erreferente asko izan dira Nafarroan oinarrizko kiroletik egiten ari den lan handia baloratu dutenak, hain txikia den erkidegotik hainbeste parte-hartzaile etor daitezen eta hain ondo egin dezaten.
Berrikuntza gisa, aurten, jardunaldi bakoitza amaitzean, Axa Selekzioko partaideek igerian egin zuten, beren kategorietako igerileku motzeko munduko errekorrak gainditzen saiatzeko. Horien artean, gure kirolaria Adur Mendivil zegoen, bizkarreko 200 metroetan segundo bakarrera geratu zena, 2 minutu eta 44 segundoko marka handiarekin.
Gainera, nabarmentzekoa da Nerea Ortiz, Iker Izurzu eta Iñaki Larrañeta hasiberriek txapelketa honetan eta lehiaketa nazional batean parte hartu zutela. Azken horrek brontzezko domina lortu zuen gizonezkoen kimu kategorian, txapelketako azken sailkapenean.
