Abenduaren 29tik 31ra, Nafarroako Kirol Egokituko Federazioak kirol integratzaileari buruzko jardunaldiak egin zituen Eguesibarko Kiroldegian, Olatzen. Jardunaldi horien helburua zen kirol egokitua ezagutaraztea eta ezgaitasunari eta kirolari buruz kontzientziatzea.
Lehen egunean Beatriz Zudaire izan zen bertan, Murtziako UCAMeko gurpil-aulkiko saskibaloi-jokalaria eta Espainiako selekzioko jokalaria. Bere egonaldiaz baliatuz, jarduera guztiak gurpil-aulkiko saskibaloiarekin lotuta egon ziren, nahiz eta haurrentzako jokoetan ere parte hartu ahal izan zen, hala nola, arrapaketa, zapia eta lasterketak.
Horrela, gurpil-aulki batean eserita, herri-jolasak ere egin daitezkeela jakinarazten zen.
Hilaren 30ean eta 31n kirol egokituen eskaintza zabaldu zen hiru lekutan banatuz espazioa. Zati bat gurpil-aulkiko saskibaloirako izan zen, non aulkia erabiltzen ikasten baitzen, lankidetza-jokoak eta saskira tiroak egiten baitziren.
Beste atal bat Bocciari buruzkoa zen, petankaren antzeko kirola, baina arrapala baten bidez egiten da, ezgaitasuna duten pertsonei laguntzeko. Saio honetan, taldekako lehiaketa bat egin zen.
Azkenik, entzumen-ezgaitasuna simulatzeko jarduerak egin ziren. Entzungailu batzuen bidez, entzumen-eza antzemateko ahalegina egiten zen, eta parte-hartzaileen artean uler zitezkeen dinamikak egiten ziren.
Jarduerak, bereziki haurrentzat zuzenduak, helduek ere probatu ahal izan zituzten. Horrela, jende gehiagorengana iritsi zen eta gazteen hezkuntzaz arduratzen ziren pertsonak ezgaitasunaren inguruan kontzientziatu ziren.
Jardunaldi horiek arrakasta handia izan zuten, eta parte hartu zuten neska-mutilek eta haien laguntzaileek (familiak edo lagunak) harrera ona eta sentsibilizazio handia izan zuten. Interes eta gogo berezia erakutsi zuten beren seme-alabekin batera parte hartzeko.
