Irailaren 10ean egin zen, Irunberrin, Nafarroako Txapelketako eta Ipar Ligako azken proba. Edizio honetako zazpigarren txanda izan zen eta 63 kirolarik parte hartu zuten.
84 kilometro egin ondoren, Yeray González iritsi zen lehena, 02:15:43an. Haren atzetik, Andrés Agredo bigarrena izan zen (02:18:01) eta Jon Iriartek hirugarren postuan amaitu zuen (02:19:18).
Sailkapen orokorra honela geratu zen: Gorka Tornos buruan, Raúl Marqués bigarren postuan, Andrés Agredo eta Jon Iriarte hirugarren eta laugarren postuan, hurrenez hurren, eta Íñigo Redín bosgarren postuan. Eta emakumeen artean, Maite Uribarri izan zen sailkapenaren buru, ondoren Marta Soto (bigarrena) eta Marta Antoñana (hirugarrena).
Eta, azkenik, kluben araberako sailkapen orokorrean, Ostargik irabazi zuen, ondoren Alas de Leyre eta Demanda Vuelo Libre kluben aurretik.
Larunbateko txanda horrekin (igandekoa bertan behera geratu zen) amaitu zen 2022ko Ipar Liga.
Sailkapen osoak:
http://alasdeleyre.com/?page_id=42#2022
Argazkia: Rakel Albeniz
