Nafarroako Neguko Kirolen Federazioak 15 urtez jokatu gabe egon ondoren, asteburu honetan berreskuratu du ipar eskiko erreleboen Nafarroako Txapelketa. Aragoiko eta Euskal Herriko Federazioarekin batera, txapelketak ehun bat kirolari bildu zituen Candanchun. Guztira 30 talde osatu ziren, horietatik 15 Uharte Eski, Erronkariko Pirinioak, Irrintzi Ski eta Abodi-Salazar klubetako eskiatzaileek osatutako hirukoteak izanda.
Kategoria absolutuan, Irrintzi Ski taldeak Nafarroako txapelketa irabaztea lortu zuen, honekin batera, sailkapen nagusiko bigarren postua lortuz, non Aragoiko Guardia Zibilak irabazi zuen. Lander Martinek, Irati Cuadradok eta Daniel Martinezek osatutako Irrintziko hirukoteak aragoiarren erritmoari eusteko borrokatu zuen lehen postan, eta bigarren postua finkatu zuen probaren azken zatian. Nafarroako txapelketako bigarren postua Pirineos del Roncal taldeak betetzen zuen, sailkapen nagusian hirugarren postua lortuz. Erronkariko, Henar Etxeberria, Iñigo Aldaz eta Manex Salsamendi, atzetik iritsi ziren, azken unera arte posizioak igoz. Uharte Eski taldeak osatzen zuen podiuma, Oier Goñi, Uxue Loizu eta Unai Sanzekin. Uharteko taldeak 6. postua eskuratu zuen sailkapen nagusian, azken itzulira arte Aragoiko Mayencos taldearekin lehiatuz top 5ean sartzeko.
U16 - U14 mailan, Nafarroako txapelketa Carla Lorente, Egoi Zalgizuri eta Naroa Pilarrek osatutako Erronkariko Pirinioetako hirukoteak irabazi zuen. Erronkarikoek 4. postua lortu zuten sailkapen nagusian. Bigarren postuan Irrintzi Skiren txanda izan zen Urtzi Goñi, Izaro Goñi eta Xabi Maezturekin, sailkapen nagusian 6. egin zuena. Nafarroako podiuma Abodi-Salazar taldeak osatzen zuen, Mikel Portillo, Maite Arias eta Markel de Miguelekin proba lehiatuz. Aipatzekoa da, gainera, klubek lasterketa honetan egindako lana, taldeen artean talde mistoak sortuz, eskiatzaile guztiek proba jokatu zezaten.
Iraupen eskiko errelebo-lasterketa kiroleko berdintasunaren adibide bat da. Bertan, neska-mutilek elkarrekin egiten dute lasterketa, nahitaez mistoak izan behar duten erreleboetan.
Denboraldiko lehen jardunaldi garrantzitsu hau igarota, Nafarroako eskiatzaileak Kataluniako Baqueira Beret eski-estaziora joango dira datorren asteburuan. Bertan, Espainiako sprint txapelketak egingo dira larunbatean, eta 42 kilometroko maratoi herrikoia igandean. Marxa Beret, aurten Espainiako Koparako proba puntuagarria da.
Erantsitako dokumentuan emaitzak kontsulta daitezke.
