Asteburu honetan Jacan jokatu diren Espainiako Rollerski Txapelketetan, Nafarroako Neguko Kirol Federazioko eskiatzaileek 12 domina eskuratu dituzte
Joan den martxoaren 13an, eskiatzaileak iraupen eskiko Espainiako Txapelketara zihoazela, konfinamendua agindu zuten, eta bat-batean, eski denboraldiaren amaiera etxetik bizi izan zen, balkoietan txaloka. 7 hilabete beranduago, iraupen eskian berriz ere dortsala jartzen zen, honela, konfinamendutik irteten zelarik, erritmoa eta sentsazioak berreskuratuz. Espainiako Rollerski txapelketa bereziak higiene eta segurtasun neurri handien artean. 27 parte-hartzailerekin, Nafarroako Federazioa izan da txapelketetako ordezkaritzarik jendetsuena.
Larunbatean estilo klasikoko proba korritu zen Rapitango gotorlekuaren igoera gogorrean, 2,6 kilometrokoa. Emakumezkoetan Irati Cuadradok (Irrintzi Ski) hirugarren postua sailkapen nagusian eta bigarren postua 20 urte azpiko mailan lortu zuen Burlatakoak sentsazio onik izan ez zuen lasterketa baten ondoren. Cynthia Martinezek (Irrintzi Ski) 4. egin zuen proba berean, bigarrengoa senior mailan. Mutilen artean, Unai Sanzek (Uharte Eski) podiuma laztandu zuen 4. postuarekin, eta urrezko domina lortu zuen seniorren artean. Lander Martinek (Irrintzi Ski) 5. egin zuen Sanzen atzetik, 20 urtez azpiko zilarrezko domina lortuz. Peru Estebanek (Uharte Eski) 2. egin zuen Master II mailan.
Behe mailetan txikiek gozatu egin zuten txapelketara itzultzearekin, nafar espedizioko txikiena Jon Bea (Irrintzi Ski) izan zelarik podiumera 12 urte azpiko kategorian brontzezko dominarekin igotzea lortu zuena.
Igandean estilo librea tokatzen zen, 5.2 kilometroko ibilbide luzeago baten gainean, eskiatzaileek lehenik Jacako kaleak zeharkatzen zituzten, ondoren Rapitaneko igoera gogorrari aurre egiteko. IRATI Cuadradok (Irrintzi Ski) 3. postu absolutua eta 20 urtez azpikoen 2. postua errepikatu ditu, baina aurreko jardunaldian baino sentsazio hobearekin. Bere taldekideak, Cynthia Martinezek, lehen jardunaldiko 4. postu absolutua eta 2. seniorra errepikatu zituen. Gizonezkoetan, Manex Salsamendik (Erronkariko Pirinioak) lehen lasterketako zapore txarra galdu zuen, maila absolutuko hirugarren postu on batekin, 20 urtez azpiko urrezko dominarako ere balioko ziona, non hirugarren postuan Lander Martin (Irrintzi Ski) zegoen. Master II mailan, Jesus Beltran de Lubiano eta Peru Esteban Uharteko eskiatzaileek bigarren eta hirugarren postuak lortu zituzten, hurrenez hurren.
Beheko mailetan, Aragoiko, Kataluniako, Andaluziako eta Eusko Autonomi Erkidegoko eskiatzaile nafarren lehiaketa bikaina izan zen. Jon Bea (Irrintzi Ski) podiumera igo da 12 urte azpiko hirugarren postuarekin.
Nafarroako Neguko Kirol Federazioaren pozak ez ziren hor amaitzen. Irrintzi Skik taldekako garaipena lortu zuen Espainiako Rollerski Txapelketa hauetan.
Segurtasun-neurri zorrotzak
Rollerski Txapelketek, neguko txapelketa berreskuratzea suposatzen zuten pandemia betean, eta, horregatik, Mayencos Klubaren, Aragoiko Federazioaren eta RFEDIren antolakuntzak segurtasun eta osasun neurriak zorroztu dituzte, lasterketak parte-hartzaileen eta laguntzaileen osasunerako arriskutsuak ez zirela bermatzeko.
Kirolari guztiek sinatu behar zuten beren osasun-egoera ezin hobea egiaztatzen zuen dokumentu bat, eskiatzaile bakoitzari tenperatura hartu zaio irten aurretik, eta maskara kentzen zuten irteeraren unean, helmuga gurutzatu bezain laster berriz jartzeko. Gainera, pilaketak saihesteko, lasterketak ordu desberdinetan izan dira kategoria bakoitzerako, eta beti banakako formatuan.
Nafarroako Neguko Kirol Federaziotik, zorionak lehiaketaren antolatzaileei egindako lanagatik eta planteatutako neurri guztiengatik.
