Nafarroako Neguko Kirol Federazioko bi eskiatzailek parte hartuko dute irailaren 25ean, Suediako rollerski-lasterketarik luzeenean, Klaralvsloppet-en.
Jesús Beltrán eta Peru Esteban Uharte Eski Klubakoak dira, eta master kategorian parte hartuko dute, Vänem lakuaren iparraldeko ertzean dagoen Uddeholm hiri-eremuaren (Hagfors udalerrian dago) eta Karlstad hiriaren artean (Vänem lakuaren iparraldean) dauden 90 kilometroetan.
Herri horiek guztiak Värmland probintziakoak dira, Eskandinaviako herrialde horren hego-mendebaldean.
Bigarren esperientzia Suedian
Jesús Beltránen (aurreko denboraldiko Espainia Master Kopako hirugarren sailkatua) eta Peru Estebanen (Espainia Master estilo klasikoko txapeldunordea) bigarren esperientzia izango da iraupen handiko rollerski-lasterketa horietan. Aurretik, Alliansloppet lasterketan parte hartu zuten, 48 kilometroko lasterketa, Trollhättan hiri suediarrean, herrialdearen mendebaldeko kostaldean.
Ilusio handiz egingo diote aurre erronka berri horri, entrenamendu-ordu askoren ondoren.
