Irailaren 10ean eta 11n, Jacako Hiria IV. Txapelketa eta Espainiako Rollerski Txapelketa egin ziren. Ehun kirolarik baino gehiagok hartu zuten parte, besteak beste, Uharte Ski eta Irrintzi Ski klubetako kirolari nafarrek.
Irati Cuadrado, Espainiako Txapelduna
Lehiaketa larunbatean hasi zen, Espainiako Esprint Txapelketarekin. Irrintzi Ski eskiatzaile nafarrak, Irati Cuadrado Noainek, irabazi egin zuen emakumezkoen kategorian, eta Lander Martín Hernándezek, berriz, brontzezko domina irabazi zuen gizonezkoen kategorian.
Txapelketa hori kanporaketen sistemaren bidez egin zen, eta, lehen sailkapen-txanda baten ondoren, kanporaketak egin ziren amaierara arte.
Nesken lehian, Iratik irabazi zuen 1:37:50eko marka batekin, eta argi gainditu zuen Andaluziako Laia Sellés Sánchez, helmugara 12 segundotik gorako atzerapenarekin sartu baitzen (1:50:39).
Hor ere Cynthia Martínez Iberoren (Irrintzi) lana nabarmendu behar da, probaren final-laurdenetara iritsi baitzen.
Eta mutilen lehiaketari dagokionez, Lander Martín Hernández (Irrintzi) eta Unai Sanz Vallés (Uharte Ski) nafar finalistak izan genituen, eta hirugarren postua jokatu behar izan zuten duelu “fratrizida” batean. Landerrek irabazi zuen bi segundo eta hogeita bat ehunengatik.
Lehiaketa honetan Mikel Portillo Samper (Uharte Ski) ere aipatu behar dugu, final-zortzirenetara iritsi baitzen.
Beheko kategorietan ere, nafarrak podiumetara iritsi ziren
16 urtez azpikoen kategorian, Luka García Fresca Zoroquiain (Uharte Ski) hirugarren postua lortu zuen gizonezkoen norgehiagokan, eta bertan ere parte hartu zuten Ibai Letona Garaikoetxeak eta Aitor Maeztu Purtik, biak Irrintzi Skikoak.
Emakumezkoen lehiari dagokionez, Ainhoa Montoya Uriarte (Uharte Ski) final-laurdenetara iritsi zen, eta bere taldekide Irati Larramendi Lorente lehen aldaketetara erori zen.
14 urtez beherakoetan, emakumeen koadroan ez genuen ordezkaririk izan. Mutilen lehian bai eta Jon Bea Otermin (Irrintzi Ski) laugarren postuan geratu zen, Huescako Martí Matamoros Paradellek brontzezko domina lortu zuenaren segundo batera.
Era berean, Andde Elizburu Azpiazuk eta Oier Goñi Rosek ere parte hartu zuten final-laurdenetara iritsita, biak ere Carmen kaleko klubeko kideak.
Igandean, Jacako Hiria Txapelketaren txanda
Hurrengo egunean, “Jacako Hiria” Txapelketa jokatu zen, estilo libreko proba bat FIS etiketarekin (Skiren Nazioarteko Federazioa), emakumezkoen lehiari dagokionez. Ibilbideak 5200 metroko luzera eta 284 metroko desnibela zuen, eta oso gogorra izan zen, Jacako hirigunetik pasatzea eta Rapitanerako igoera tradizionala barne (1142 metro).
Garaipen bikoitza emakumezkoen lehian
Irati Cuadrok irabazi egin zuen berriro, eta 19 minutu eta 44 segundoan gelditu zuen erlojua. Cynthia Martínez taldeko kidea baino hiru minutu eta hamazazpi segundo azkarrago.
Bertako Adriana Serra Betrán eskiatzaileak hirugarren postua lortu zuen hiru minutu eta 23 segundora.
Mutilen torneoan, gure sailkapenik onena Lander Martinen (Irrintzi) laugarren postua izan zen.
Gazteenen bi podium
Bi dominak emakumeen kategorian lortu ziren Ainhoa Montoya Uriarteren (Uharte Ski) eta Iradi Elvira Piñar-en (Irrintzi Ski) lan handiari esker. Azken horrek zilarrezko domina irabazi uen 12 urtez azpikoen proban, eta lehenbizikoak brontzezkoa 16 urtez azpikoen lehian.
Azkenik, gizonezkoen kategoriako bi laugarren postu azpimarratu behar dira: Inhar Rosado Azkoitirena (Irrintzi Ski) 12 urtez azpikoen kategorian eta Luka García Frescarena 16 urtez azpikoan.
Emaitzak ikus ditzakezu erantsitako dokumentuetan.
