• Irrintzi Skiko eskiatzailea Irati Cuadradok Sprint Distantziako titulua eskuratu zuen.
• Irati Larramendi eta Mikel Portillo ere izan ziren lehian, biak Uharte Skikoak.
Aurreko asteburuan, Aragoiko Candanchu estazioko Stadium Spainsnow-en, 2023ko Espainiako Udako Biatloi Txapelketak egin ziren. Peru Esteban Nafarroako Neguko Kirolen Federazioko teknikariak zuzendutako nafar taldeak emanaldi bikaina egin zuen: Irati Cuadrado Noainek garaipena lortu zuen Sprint modalitateann eta Jazarpen lehian txapeldunordea izan zen.
Larunbatean, Sprinteko proba egin zen. Nafarrak lehenengoa iritsi zen helmugara, 20:54.5eko denborarekin; 15 segundo baino gehiagoko abantaila izan zuen bere jarraitzaile hurrenarekiko: Aragoiko Selekzioan aritzen den Guadalajako Mónica Sáenz Toledano.
Cristina Lanau Escolano (Mayencos Kluba) hirugarrena izan zen 22:41,9ko denborarekin, Irrintzi Ski atletatik ia bi minutura.
Irati Larramendi Lorentek (Uharte Ski) ere parte hartu zuen proba horretan, eta seigarren postuan amaitu zen.
Hurrengo egunean, jazarpen-lehiaketa egin zen, eta podiumean aurreko 3 protagonisten izenen ordena aldatu zen. Oraingo honetan, Mónica Sáez izan zen azkarrena eta punteria onena izan zuena, 25:02,8ko denborarekin, 56 segundotan Irati Cuadrado iritsi zen eta bi minututan baino gehiagotan Lanau agertu zen.
Era berean, Irati Larramendik seigarren postuan amaitu zuen, 31:22.1eko denbora markatuz.
Mutilei dagokienez, Socuellaminosko Roberto Piqueras Garcíak garaipena lortu zuen bai Sprinten, bai Jazarpenan; eta Mikel Portillo Samper nafarra (Uharte Ski), hamaikagarren izan zen Sprinten eta hamabigarren Jazarpenan.
Zortzi klub parte-hartzaile
Lehiaketa horretan zortzi klubetako kirolariak egon ziren:
• Espainiako Mushers Elkartea (AEM)
• Canicross Les Franqueses Kluba (CCLF)
• Uharte Iraupen Eskiko Kluba
• Guardia Zibileko Mendi Kluba (CMGC)
• Mayencos Klub Pirineista (MAYEN)
• Eskiko eta Mendiko Talde Militarra (EMEM)
• Irrintzi Ski
• Stadium Casablanca (CASAB).
