Joan den asteburuan, Hortalezako (Madril) Izotz Pistan, 2026ko Iberdrola Patinaje Ligako Finala ospatu zen. Bertan, banakako ranking nazionaleko patinatzaile onenek parte hartu zuten.
Zerrenda bikain honetan, ehun kirolari inguru, Nafarroako Neguko Kirolen Federazioko lau patinatzaile ditugu: Elsa Unceta eta Adriana Alberga, biak Uharte Izotz Taldekoak (CHH) eta Victoria Fursenko eta Eloisa Merino, Inuit Pamplona Taldeko kideak.
Podiumeko tokirik altuenera
Hain zuzen ere, azken hori izan zen lehiaketako nafar baza onena. Eloisak, maila lehiakor maximoak definitzen dituen ISU (Unión Internacional de Patinaje) kategorian parte hartuz, junior mailan garaipena lortuz amaitu zuen bere lana, talde nazionaleko Noa eta Adriana Seguí, bigarren eta hirugarren sailkatuen aurretik, hurrenez hurren.
Bere aldetik, bere klubeko kide Victoria Fursenkok, DEBS kategorian, 10 urtetik beherako patinatzaileetan oinarritutako gazteen kategorian, meritu handiko bosgarren postua lortu zuen. Izotz gaineko patinaje artistikoaren barruan, haur hauentzako lehiaketa arautuaren lehenengo etapetako bat da.
Uharte Izotz Taldeko bi patinatzaileen lana ere laudagarria izan zen, biak A Mailan aritu zirelarik. Elsa Unceta podiumetik oso gertu ibili zen Junior mailan laugarren postua lortuz, eta Adriana Alberga seigarren izan zen Senior mailan.
Uhartek hartu zuen egutegiko probetako bat
2025eko urritik 2026ko martxora bitartean bederatzi proba burutu dituen zirkuitu autonomiko baten bidez sailkatutako patinatzaileak bildu zituen.
Bederatzi hitzordu horiek Autonomia Erkidegoetako Federazioek antolatu dituzte, Iberdrola Ligaren babespean, eta hainbat tokitan izan dira, hala nola Jakan, Uharten, Donostian, Valdemoron, Puigcerdàn, Logroñon eta Gasteizen.
Lehiaketa horien emaitzek kategoria bakoitzeko ranking bat osatzen duten puntuak ematen dituzte, eta horietatik sei onenak bakarrik sartzen dira final handira.
