Irailaren 9, 10 eta 11n, Espeleologiako Espainiako XI. Biltzarra eta XIV. Eurospeleo Foruma egin ziren, pandemiaren ondorioz atzeratu beharrekoak.
Kongresua Burgosen egin zen, Kongresu Jauregian eta Forum Evolución Auditorioan.
Ostiraleko egun osoan eta larunbateko arratsaldean, era askotako saioak eta hitzaldiak eskaini ziren: dokumentazioa, bioespeleologia, esplorazioak, arkeologia, prestakuntza, geologia, kontserbazioa, espeleosokorroa, osasuna, sakankismoa eta topografia. Horrez gain, dokumentalak proiektatu ziren.
Larunbat eta igande goizetan Ojo Guareña, Fuentemolinos kobak eta Atapuercako aztarnategiak bisitatu ziren.
Eta, ekitaldi handi hori amaitzeko, bazkaria egin zen Coco Atapuerca jatetxean.
Estatuko probintzia guztietatik eta Europako eta Asiako hainbat herrialdetatik etorritako 100 pertsonak baino gehiagok hartu zuten parte kongresuan.
