Larrako kanpaina 2011. urtean sortu zen, Larra mendiguneko barrunbeak (Lapazarra, Lapakiza, Hiru Erregeen Mahaia, Ukerdi eta Budogia) berrikusteko. Hasieratik, UEV, FNE eta ARSIPek koordinatutako proiektua da, eta lehenengo urteetatik helburu nagusia BU-56 mitikoa berrikustea izan da, topografia erabat berreginez. Urte horietan guztietan egindako lanaren ondorioz, hasierako 13,8 km-tik egungo 32,6 km-ra handitu da topografia, eta ziur gaude oraindik garapen handia espero dugula. Azpimarratzekoa da 2020rako BU-56 eta A-60 lotzea lortu genuela, Ilamina sistema sortuz. Gainera, urte batzuk daramatzagu Linzola ibaia erremuntatzen, 1.000 m-ko sakonetik.
Hurrengo kanpainetako helburuak lortzeko, mota askotako lanak izaten ditugu. Batetik, sisteman sartu eta barneko vivac-etan lan egiten duten espeleologoak behar ditugu. Bestalde, azalera-lanak egingo dituzten espeleologoak ere behar ditugu: barrunbeak berrikustea, prospekzioa, sisteman lan egiten duten espeleologoekin komunikatzea eta intendentzia-lanak egitea. Beraz, aukera hau aprobetxatu nahi genuke 2023ko Larra kanpainan parte hartzera animatzeko proiektuan parte hartu nahi duten guztiak.
Aurtengo kanpaina uztailaren 29tik abuztuaren 13ra bitartean eginen da. Izena emateko azken eguna uztailaren 9a izango da. Gogoan izan kanpainako parte-hartzaileek bi ibiltokietako batean parte hartu behar dutela (uztailaren 29an igo edo abuztuaren 13an jaitsi).
Irakurri formularioko atal guztiak arretaz. Hona hemen izena emateko esteka:
Kanpaina hasi baino lehen, hainbat asteburu izango ditugu prestatzeko, barrunbeak instalatzeko, materiala eramateko eta ura egiteko. Izena ematen duzuen guztiekin jarriko gara harremanetan, asteburu horiek koordinatzeko. Bide batez, eskerrak eman nahi dizkiegu gure babesleei: UEV, FNE eta Orona. Zalantzarik izanez gero, idatzi larraespeleo@gmail.com helbidera.
