Nafarroako xakearen arrakasta, 2 titulu eta 7 domina (2 urre eta 5 brontze), 66 posibletakoak, Salobreñ-an (Granada) egindako 2021eko ESPAINIAKO XAKE TXAPELKETETAN (8-18 urtez azpikoak). 940 jokalarik parte hartu zuten kategoria guztietan, eta horietatik 53 nafarrak izan ziren.
Oberenako jokalariek, Amaia Alfaro eta Leyre Abrisquetak, partida azkarren modalitatean, urrezko domina lortu zuten 10 eta 16 urtez azpikoen kategorian, hurrenez hurren.
Bestalde, Abel Otazuk (Oberena,8 urtez azpikoak), June Arrastiak (Mikel Gurea, 8 urtez azpikoak), Javier Habansek (Oberena, 14 urtez azpikoak) eta Juan Labianok (Oberena, 18 urtez azpikoak) brontzezko domina lortu zuten joko klasikoaren erritmoan. Azkenik, Javier Habansek beste brontze bat lortu zuen 14 urtez azpikoen txapelketa azkarrean.
Emaitza bikaina izan da Nafarroako Federazioarentzat; izan ere, aurten 315 lizentziarekin, milaka federatu dituzten komunitateen emaitzak gainditu ditu, eta aurreko urteetako jarduera ona berretsi du. Jokalari horien arrakastaren zati bat urte osoan haiekin lan egiten duten prestatzaileena da. Andaluziako lurretan izan ziren: Diego Moral, Oier Irujo, Mikel Razkin, Eihartze Buiza, Mikel Huerga eta Jesús De la Villa.
