OHOREZKO MAILA
2018-03-10 (15:30, MIRANDA EBRON): BEDERATZIGARREN TXANDA (AZKENA)
- Santa Ana Siglo XXI (Tutera, Nafarroa) (11’5) – Calasanz (Gasteiz, Araba) (14): 2-2.
- Orvina A (Iruñea, Nafarroa) (23’5) – Abadiño (Bizkaia) (9’5): 2-2.
- Donibane Kirol Elkartea (Iruñea, Nafarroa) (18’5) – Gros Xake Taldea (Donostia, Gipuzkoa) (19’5): 2’5-1’5.
- Altzaga/Itsas Zaldunak (Santurtzi, Bizkaia) (11’5) – Sestao Bizkaialde (Bizkaia) (26’5): 1-3.
- Arrasate/Arlutz (Aretxabaleta, Gipuzkoa) (10) – Batalla (Irun, Gipuzkoa) (15’5): 1-3.
SAILKAPENA
1) Sestao Bizkaialde A (Bizkaia) – 29’5 puntu.
2) Orvina A (Iruñea, Nafarroa) – 25’5 puntu.
3) Donibane Kirol Elkartea (Iruñea, Nafarroa) – 21 puntu.
4) Gros (Donostia, Gipuzkoa) – 21 puntu.
5) Batalla (Irun, Gipuzkoa) – 18’5 puntu.
6) Calasanz (Gasteiz, Araba) – 16 puntu.
7) Santa Ana Siglo XXI (Tutera, Nafarroa) – 13’5 puntu.
8) Altzaga/Itsas Zaldunak (Santurtzi, Bizkaia) – 12’5 puntu.
9) Abadiño (Bizkaia) – 11’5 puntu.
10) Arrasate/Arlutz (Aretxabaleta, Gipuzkoa) – 11 puntu.
DONIBANEK ETA SANTA ANAK EUREN HELBURUA ERDIETSI ZUTEN
Sergio Navarrete gabe ekin zion Orvinak azkeneko txandari. Hutsuneaz baliatuta, Abadiñok lortu zuen 2-2ko berdinketa Orvinaren aurka. Hala ere, Bizkaiko taldeak maila galdu zuen. Orvinarentzat ez zen emaitza ona izan, baina bigarren postua ziurtatuta zuen eta Sestao harrapatzerik ez zeukan. Azkenean, txapeldunetik 4 puntura geratu da. Orvinaren historiarako geratuko da Euskal Ligako aurtengo bigarren postua. Sestao zertxobait jaitsiz gero, titulua Orvinak lor dezakeela sumatu da aurten.
Podiumean sartzea zuen jokoan Donibanek eta lortu zuen, 2’5-1’5 Gros garaituta. Javier Lizuain Tonik eman zion Donibaneri hirugarren postua Ivan Iturralde Etxeberriari irabazita. Grosentzat sekulako atzerapausoa da laugarren postua baina aurten ez du gehiagorako eman.
Santa Anak azken ahalegina egin behar zuen maila mantentzeko. Calasanzen aurkako berdinketa eta Arrasate/Arlutzek ustekabea eman ez izana arazo handirik gabe helburua betetzeko nahikoak izan ziren.
Horrela, Oberenarekin batera, datorren denboraldian lau talde nafar izanen dira Euskal Ligako Ohorezko Mailan.
Informazio gehiago: http://www.xake.net/2018-fva/6EHT_LIGA_EQUIPOS_EUS_18/2018-PD_Alineaciones%20y%20sedes.html eta http://www.xake.net/2018-fva/6EHT_LIGA_EQUIPOS_EUS_18/2018-DH_inicio.html webguneetan.
LEHENENGO MAILA
2018-03-10 (15:30, MIRANDA EBRON): BEDERATZIGARREN TXANDA (AZKENA)
- Portugalete (Bizkaia) (15) – Danubio (Miranda Ebro) (16’5): 2-2.
- Orvina B (Iruñea, Nafarroa) (12’5) – Zuri Baltza (Bilbo, Bizkaia) (15’5): 1’5-2’5.
- Oberena (Iruñea, Nafarroa) (18) – Easo (Donostia, Gipuzkoa) (19’5): 3’5-0’5.
- Endroke (Arrigorriaga, Bizkaia) (20) – Conteneo (Bilbo, Bizkaia) (14): 1-3.
- Eguzki (Urnieta, Gipuzkoa) (15) – Zarautz (Gipuzkoa) (14): 2-2.
SAILKAPENA
1) Oberena (Iruñea, Nafarroa) – 21’5 puntu.
2) Endroke (Arrigorriaga, Bizkaia) – 21 puntu.
3) Easo (Donostia, Gipuzkoa) – 20 puntu.
4) Danubio (Miranda Ebro) – 18’5 puntu.
5) Zuri Baltza (Bilbo, Bizkaia) – 18 puntu.
6) Conteneo (Bilbo, Bizkaia) – 17 puntu.
7) Portugalete (Bizkaia) – 17 puntu.
8) Eguzki (Urnieta, Gipuzkoa) – 17 puntu.
9) Zarautz (Gipuzkoa) – 16 puntu.
10) Orvina B (Iruñea, Nafarroa) – 14 puntu.
OBERENA USTEKABEAN TXAPELDUN; ORVINA B, ORDEA, JAITSI DA, AZKENA GERATUTA
Oberenak 3 puntu behar zituen Easoren aurka, Ohorezko Mailara igotzeko. 3’5 eskuratuta helburua lortu zuen. Endrokeren porrotak, gainera, titulua eman zion Oberenari. Bigarren aldiz geratu da Lehen Mailako txapeldun. Bigarren txandan, Danubioren aurka 0’5-3’5 galdu ondoren, hori ez zen aurreikustekoa, baina etengabe gora joan da Oberena, txandaz txandaz sailkapenean aurrera egiten.
Daniel Zamarbide, Aurelio Vila eta Jose Miguel Ugalde izan ziren heroiak azkeneko jardunaldian. Batez ere, Daniel Zamarbideren garaipena izan zen erabakigarria, 2.282ko eloko Xabier Bedauert baitzen aurkaria. Easo Elvis Hernandez gabe aritu zen eta azkenean hori ordaindu zuen.
Orvina B-k ez zuen zer eginik azkeneko txandan. Jaitsiera saihesteko ia aukerarik gabe zegoen. Talde ahula eraman zuen Miranda Ebrora, baina Jonas Blancok ustekabea eman zuen, Jose Angel Vesga gaindituta. Horrela, ohiko emaitza egin zuen: 2’5-1’5 galdu. Zuri Baltzak garaipen horrekin mailari eroso eutsi zion.
Oberena igota eta Orvina B jaitsita, Nafarroako talde bakarra izanen da datorren urtean Lehenengo Mailan. Oberena B izanen da agian, orain arteko irizpidea mantentzen bada (Nafarroako Txapelketan A taldeak B taldearentzat plaza eskuratzea). Irizpide hori desegokia iritziz gero, Antsoainek hartuko luke plaza hori.
Informazio gehiago: http://www.xake.net/2018-fva/6EHT_LIGA_EQUIPOS_EUS_18/2018-PD_Alineaciones%20y%20sedes.html eta http://www.xake.net/2018-fva/6EHT_LIGA_EQUIPOS_EUS_18/2018-PD_inicio.html webguneetan.
2018-03-10.
Iturria: Euskal Xake Federakuntza.
