2026ko Nafarroako Halterofilia Kluben Arteko Ligako eta Liga Nazionaleko I. Jardunaldia otsailaren 21ean lehiatu zen Runa C.H.-ko instalazioetan, Cordobillan. Nafarroako bost halterofilia-klubetako 80 gizonezko eta emakumezko kirolarik baino gehiagok hartuko zuten parte.
Emakumezkoen txapelketan, talde finalistak hauek izan ziren: Anaitasuna A, lehen jardunaldi honetako talde txapelduna; Runa A, bigarren sailkatua; Anaitasuna B, hirugarrena eta Runa B eta Iruña A taldeak laugarrena eta bosgarrena, hurrenez hurren. Queiron A taldea seigarren posizioan geratu zen.
Gizonezkoen txapelketan nabarmendu ziren taldeak hauek izan ziren: Anaitasuna A irabazle gisa, Gazte Berriak A eta Anaitasuna B taldeak bigarren eta hirugarren postuetan, hurrenez hurren; laugarren postua Runa A taldeak lortu zuen; bosgarren eta seigarren postua Iruña A eta Queiron A taldeentzat izan ziren; zazpigarren eta zortzigarren Anaitasuna C eta Gazte Berriak B taldeentzat; eta, azkenik, bederatzigarren eta hamargarren postuak eskuratu zituzten, hurrenez hurren, Runa B eta Queiron B taldeek.
Jardunaldi honetako emakumezkoen errekor berriak Anaitasuna klubeko bi jasotzailek protagonizatu zituzten: Elena Habansek Junior errekorrak lortu zituen 63 kg-ko kategorian modalitate guztietan (Arrankadan 84 kg, Bi Alditan 100 kg eta Guztizko Olinpikoan 184 kg); eta Naroa Arrasatek Senior errekorra hautsi zuen 69 kg-ko kategorian, 120 kg jasotzean Bi Alditan.
Gizonezko errekorrak, Senior mailan biak, Gazte Berriak klubeko bi jasotzailek lortu zituzten: Giuliano Mercado, 94 kg arteko kategorian Bi Alditan (130 kg) eta Guztizko Olinpikoan (233 kg) errekorrak gainditu dituena; eta Erick Chasco, 110 kg arteko kategorian Guztizko Olinpikoan errekorra lortu duena, 284 kg batuta.
Zorionak guztiei eta mila esker parte hartzeagatik!
