Kadete eta Junior kategorietako Espainiako Kick Boxing Txapelketa lehiatua izan zen maiatzaren 11tik 13ra A Coruñako Noia herrian eta Izan Ibiricu borrokalri nafarrak garaipena lortu zuen 16 eta 17 urte arteko kirolariei zuzendutako 63 kiloko kategorian.
Tafallako lehiakideak torneo bikaina sinatu zuen Joxe Vixente Eguzkiza teknikariaren laguntzarekin. Urrezko domina ipini baino lehen, Izanek Kick Light modalitateko 4 borrokaldi irabazi zuen. Bere bigarren garaipena da maila honetako txapelketa batean.
