Datorren asteburuan izango da Ega Kayak Klubaren hamazazpigarren Kontzentrazioa.
Larunbatean hasiko da ekitaldia, Ega ibaiko uretan, Lizarran, 12:00etan haurrentzako estropadarekin. Ordu erdi lehenago, parte-hartzaile guztiak elkartuko dira Klubaren egoitzan, Curtidores kalean.
Hurrengo egunean helduen txanda izango da, eta Artabiako Kontzejuko elkargunera joango dira. Handik, Inzura presara (Urederra ibaia) joango dira, lasterketa egiten den lekura, 12:00etatik aurrera.
Aldez aurretik izena eman beharrik ez zegoela argitu zuen antolakundearen hitzetan: “Euriteen aurreikuspenei eustea eta ibaiez ahalik eta hobekien gozatzea espero dugu. Aurreikuspenek laguntzen ez badigute, kontzentrazioa beste tarteren batean egingo da”.
