Joan den larunbatean, goizean, VI. Challenger Junior Norte txapelketa jokatu zen Zaragozan, eta Espainiako iparraldeko klubetako promesek parte hartu zuten.
Haurren kategorian Oberena menderatu zuen nabarmen, eta bere bi jokalari onenak finalean jartzea lortu zuen. Titulua lortzeko gogor borrokatu ondoren, Gaizka Pascual taldekideari irabazi zion Jon Dávilak. Beste hiru taldekideek 10. eta 20. postuetan bukatu zuten.
Kimuen kategorian, Alan Piñasek ere hirugarren postua lortu zuen. Beste hiru lagunek 9., 13. eta 17. postuak bete zituzten.
Bestalde, Ezkirozko Kirol Pabiloian 2. mailatik 1. maila Nazionalera igotzeko fasea jokatu zen. Club Natación taldea zuzenean 1. mailara igo da, lehen sailkatuak uko egin baitio.
Espainia osoko 20 talde aurkeztu ziren eta 6 talde igo dira: C.T.T. Bisbal, C.T.T. Mollerussa, C. Natació Sabadell "A", Portugalete, Círculo Mercantil eta C.T.M. Roquetas "A"
Gainera, jokalari nafarren talde bat Frantziako Biarritz herrira joan zen igandean Goelands Nazioarteko Txapelketara.
Hauek izan dira emaitzarik onenak: Oberenako Josu Ilarduiak 1. mailako finala irabazi dio Jon Dávila bere klubeko kideari, eta txapeldun bilakatu da.
David Esparza eta Carlos Alzate Davis Kopako taldekideak finalera iritsi eta txapeldunorde geratu dira.
