Lehen Maila Nazionaleko bi talde nafarrek garaipen bana lortu dute ligan.
Oberenak etxean Zaragozako Publimax Santiago gainditu zuen 5-1 (15-4). Emaitza honekin, Oberena sailkapeneko lehen postuetara igo da.
Anaitasunak Lleidako lurretara bidaiatu zuen Les Borges TT Museum-en aurka jokatzeko eta 1-5eko (9-15) emaitza ona ekarri du Iruñera, sailkapenaren hondotik atera eta bere susperraldia konfirmatzeko balio diona.
Bigarren Maila Nazionalean, emaitza ezberdina Iruñeko bi taldeentzat. Oberenak Portugaleteko Welltech Electronics Gure Taldearen aurka 1-5eko (4-16) garaipena lortu zuen. Bestalde, Anaitasunak porrota jaso zuen etxean Fortuna KE Super Amara talde donostiarraren aurka (3-4 (13-15) binakako berdinketa hausteko partida galduta.
Ohorezko Euskal Mailan bi taldeek porrotak jaso zituzten Gipuzkoara egindako bidaietan. Oberenak 5-1 (15-6) galdu zuen Tolosan Oargi "A" taldearen aurka eta Anaitasunak Atlético San Sebastián taldearen kontra:4-2 (13-10).
