Pasa den larunbatean, abenduaren 28an, goizeko eta arratsaldeko saioetan, Mahai Tenisaren Eguna ospatu zen Lodosan; bertan, 87 zalek parte hartu zuten, bost kategoriatan banatuta (adin eta maila guztietakoak).
Pabiloian hamasei mahai jarri ziren, lehiaketa errazago egiteko.
Multzoen lehen fasea jokatu zen, "denak denen aurka". Lehengo biak Azken Koadrora pasatu ziren, eta azken biak Kontsolaziora.
Goizean, beheko kategorietakoak jokatu ziren: "A", 12 urtetik beherakoentzat; eta "B", 12 eta 16 urte bitartekoentzat. "A" ko txapelduna Pablo Martinez (Oberena) lodosarra izan zen, eta "B" ko txapelduna Aimar Estomba Oberenako jokalaria.
Arratsaldean, "C", federatu gabeko 16 urtetik gorakoentzat; "D", federatuentzat; eta "E", soilik emakumeentzat.
Hauek izan ziren txapeldunak: Gabriel Santesteban (Independiente) "C" n, Mikel Izkue (Oberena) "D" n eta Araceli Serna "E" n.
Garaikurrak eta dominak eman zizkieten maila bakoitzeko lehen laurei eta Kontsolazio koadroko lehenengoei.
Kategoria bakoitzeko lehenengoei bertako Pedro Luis kontserba enpresaren produktu sorta bat eman zitzaien.
Sari banaketan izan ziren Laura Remirez Lodosako alkatea eta Kevin Rodriguez Nafarroako Mahai Tenis Federazioko presidentea.
Nafarroako Mahai Teniseko Federazioaren ekimena izan da hau, hirugarren aldiz egin dena eta Mahai Tenisaren urteroko hitzordua izateko itxura duena, Lodosa Nafarroako Erriberako Mahai Tenisaren arreta gune bihurtu zena.
** Honekin batera doan PDFan Ohorezko Koadroa kontsulta daiteke.
