1. Maila Nazionalean, Anaitasuna Zaragozara joan zen bigarren itzulirako indartu den Publimax Santiagoren aurka jokatzeko. Garaipena nafarrek lortu zuten 3-4 (14-14). Binakakoak azken emaitza erabaki zuen eta Donibane auzoko taldea final-laurdenetarako sailkatu zen.
Oberena Errenteriara joan zen igande goizean, multzoko talde indartsuenetako baten aurka jokatzeko: Marpex Beraun Errenteria . Arrosadiakoek partida aurrera ateratzen jakin zuten, 1-5 (6-17), eta hirugarren postuari eutsi diote.
Bi talde nafarrak Igoera Faserako txartela lortzeko aukerekin daude.
Bigarren Maila Nazionalean ez zaie hain ondo eman jardunaldia bi talde nafarrei. Oberenak 4-2 galdu du Portugaleten Portugalete Solveren aurka (13-9) eta bigarren itzulian behera egin du. Hala ere, hirugarren postuari eutsi dio.
Anaitasunak Artxandako Mahai Tenisa jaso zuen eta beste porrot bat pairatu zuen (2-4 (7-12), jaitsiera postuetan mantentzen duena, salbatzeko ia aukerarik gabe.
