1. Maila Nazionalean bi porrot izan ziren etxean. Oberenak 1-5 galdu zuen Marpex Beraun Errenteriaren aurka (8-17). Lehia ona baina porrota. Eta SCDR Anaitasunak 3-4 galdu zuen (14-12), nahiz eta jokoetan irabazi. Aukera galdua.
2. Maila Nazionalean, Oberena "A" taldeak 4-2 irabazi zion Irun Leka Eneari (16-7); Anaitasunak porrota jaso zuen Marpex Beraun Errenteriaren kontra, 6-0 (18-1), nafarrei aukerarik eman gabe; eta Oberena "B" taldeak zigor gogorra jaso zuen Abadiñon, 6-0 (18-7), partida bakoitza topera jokatu arren.
Eta Gipuzkoako Tops-etan, Anaitasuna 5-2 (15-13) nagusitu zitzaion Oberenari 1. Ligan; 2. Ligan Anaitasunak 4-3 (15-9) irabazi zion Nafarroako Unibertsitateari; eta 3. Ligan Oargi "B"k 4-1 (13-7) gainditu zuen Anaitasuna "B".
