Joan den larunbatean, Iruñeko autobus-geltoki zaharrean, mahai-teniseko 12:00 orduak txapelketa egin zen. Betan, kimu, haur eta gazteen kategoriako 131 kirolarik parte hartu zuten. Kirolariek goizean jokatu zituzten partidak, eta, arratsaldean, berriz, afizionatuen eta absolutuen kategorietakoak egin ziren.
Txapelketa bi fasetan egin zen: lehenengo taldekako sailkapen-fasea eta amaierako fase baztertzailea; fase horretarako, talde bakoitzeko lehenengo biak sailkatzen ziren Koadro Nagusirako. Gainerakoek ez zuten jolasteari uzten, Kontsolazio Koadroan sartzen baitziren.
Denentzako sariak
Kategoria bakoitzeko lehen lau sailkatuentzako sariak izan ziren eta diseinu bereziko kamiseta bat kontsolazio-txapeldunentzat.
Gainera, kategoria absolutuko txapeldunak Ferreterías Irigarayren garaikur berezia jaso zuen, Erriberriko gaztelua brontzean irudikatuta, eta emakumeen lehen bi sailkatuek lore-sorta bat ere jaso zuten.
Sari banaketa honetan María Caballero eta Fernando Aranguren izan ziren, Iruñeko Udalaren eskutik, eta Juan Almenara, Nafarroako Mahai Tenisaren Federazioko lehendakaria.
Azkenik, Nafarroako Mahai Tenisaren Federazioak eskerrak eman nahi izan zizkien Iruñeko Udalari eta geltokiko eta Oberenako langileei, jardunaldi hori egia bihurtzeko gogor lan egin baitzuten.
Erantsitako dokumentuan daude sailkapenak.
