Aire Libreko Espainiako Txapelketa lehiatua izan zen uztailaren 22tik 25era Madrilgo Cantarramas Kirol Guneko errugbi zelaietan. Bertan, 44 arkulari nafar aritu ziren (25 mutil eta 19 neska). Haien lanari esker, bost brontzezko domina lortu zituzten, horietariko hiru banakako lehian eta beste biak, binakakoan.
Jorge Dabán Bainesek lortu zuen domina txalogarri bat kadete mailako arko rekurboan txapelketa bikaina egin ondoren. Sailkapen-txandetan bigarren posizioan amaitu zenez, gero fase finalaren beheko kanporaketak lideratu zuen. Lehenengo txandan Eguesibar Lakarri taldekidea den Igor Vizcay Escolarri gailendu zion (7-1). Bigarrenean ere irabazi zuen Jordi Riera balearraren aurka (7-3). Zailago izan zuen final-laurdenetan non Jorgek Nicolas Perez galiziarra aurkitu zuen. Hain lehiatsua izan zen duela non berdinketa hausteko gezia jokatu behar baitzen. Nafarrak irabazi zuen berriro, baina final-erdietan txapelketaz kanpo geratu zen Alcobendasko Javier Meridaren kontra galdu zuelako (7-3). Azkenik, brontzezko domina ekarri zuen etxera Almussafesko Emilio Lucha 6-3 gainditu ondoren. Absolutuen lehian, arkulari nafarra seigarren izan zen Ken Sanchez madrildarraren kontra galtzen final-laurdenetan.
Emakume arkulari nafarrak, podiumen ere bai
Lehen domina horren ondoren iritsi ziren Arku Biluzi eta Long Bow-koak, Aitana Gracia Ardoizek eta Laura Martorell San Nicolasek lortutakoak, hurrenez hurren.
Arku Biluzian bi ordezkari izan genituen. Judith Alberich Darocak 6-4 galdu zuenez gero finalista izan zen Yolanda Aransay katalanaren aurka, lehiaketatik kanpo geratu zen final-laurdenetan.
Bestalde, Carmen Arrebolak 6-0 irabazi zuenez Mallorcako Carmen Arrebolaren kontra, final erdietara pasatu zen. Txanda horretan Vanessa Fernandez murtziarra nagusitu zen (6-2) eta nafarra brontzezko dominarekin konformatu behar zen Mª Luz Carrion andalaziarrari gailendu ondoren.
Laura Martorellek nafarren hirugarren domina irabazi zuen. Nahiz eta faboritoenetariko bat izan, Encarna Garridok ez zuen egun onik izan eta kanporatua izan zen lehendabiziko txandan. Ordezkari bakarra izanda, Laurak Kataluniako Mª Jose Delgado gainditu zuen final-laurdenetan (6-0), baina gero txapelduna izan zen La Solanako Ana Mª Lopez De La Reinaren aurka, 6-2 galdu zuen Nafarroako Unibertsitateko kideak.
Brontzezko domina lortzeko borrokan Rosa Hernandez aurkitu zuen, Encarna Garridoren borrero lehen txandan, eta 6 eta 5 irabazi zion berdinketa haustean.
Bi domina gehiago taldekako lehiaketan
Banakako norgehiagoketan uzta amaitu ondoren, sari gehiago iritsi ziren igandean taldekako borrokan.
Javier Carrillo Velak, Miguel Angel Rubio Barrenak eta Jon Urriza Guillenek brontzezkoa ere lortu zuten juniorren arku rekurboan eta Judith Alberich Darocak eta Rafael Ruda Serranok gauza bera egin zuten arku biluziaren lehia mistoan.
Lehenengoak azken koadroan sartu ziren zazpigarren markarik onena lortuz. Hemen, kategoriako ezusteko baten protagonista izan ziren, lehiaketako bigarren faboritoenak, Balear Uharteetako Selekzioa, lehen txandan irabazi zituztenean. Tregua gabeko borroka baten ondoren, berdinketa hausteko gezian 5 eta 4 irabazi zuten. Finalerdietan ez zuten aukerarik izan. Asturiasek 5 eta 1 irabazi zuten, eta nafarrak hirugarren eta laugarren postuetara eraman zituzten. Andaluziako taldearen aurka borrokatu zuten txanda horretan. Nafarroak, txapelketa osoan erakutsitako tonu ona erakutsiz, ez zion utzi beste domina bat zintzilikatzeko aukerari ihes egiten, eta andaluziarrei (6/2) irabazi zien laugarren postua Foru Komunitatearen arrakastari domina bat gehiago gehituz.
Judith Alberich Darocak eta Rafael Ruda Serranok, berriz, bosgarren markarik onena lortu zuten sailkapen-probetan. Final-laurdenetan nagusitu ziren kataluniarren aurka, 6 eta 0 irabazi baitzituzten, baina finalerdietan galdu zuten (6/2) gero txapeldunordea izan zen dupla balearraren kontra. Judith eta Rafa ez ziren gogogabetu, eta brontzezko borrokan, Ana Mª Canok eta Fernando Ramirok osatutako bikote murtziarrari 5/3 irabazteko prestazio onenak eskainiz berriro.
Dominetatik gertu
Aipagarria da, halaber, Nafarroako taldeko beste hiru kideren emanaldia. Dominen bidean geratu ziren, brontzea lortzeko borrokan galdu eta laugarren postuan amaitu baitzuten:
- Irache Yabar Leache 14 urte azpiko emakumezkoen arku rekurboan.
- Encarna Garrido Lazaro eta Fco. Javier Mendez Becerra Taldekako mistoko Long Bow-n.
