Joan den asteburuan, Elxeko Esperanza Lag kiroldegiko igerilekuan, Espainiako XXVIII. Txapelketa Absolutua egin zen Autonomia Erkidegoen arabera. Txapelketa horretan, hirugarren postua lortu zuen Nafarroak sailkapen nagusian. Gure igerilariek hogeita bat aldiz bisitatu zuten podiuma, eta horietako sei izan ziren nagusi.
Oier Irisarrik sei domina irabazi zituen: hiru urre (50 metro apnea, 50 metro azalera eta 4x100 errelebua bihegats mistoa), zilar bat (100 metro azalera) eta bi brontze (4x100 erreleboa gizonezkoen azalera kategorian eta 4x200 metroko erreleboa gizonezkoen azalera kategorian).
Irati Zufiaurrek bost domina lortu zituen: hiru urre (50 eta 100 metro bihegats eta 4x100 erreleboa bihegats misto kategorietan); zilar bat (200 metro bihegats kategorian) eta brontze bat (4x100 metro emakumezkoen azalera kategorian).
David Villafañek lau domina lortu zituen: bi urre (100 metro bihegats eta 4x100 erreleboa bihegats misto kategorietan), zilar bat (200 metro bihegats kategorian) eta brontze bat (400 metro bihegats kategorian).
Aroa Gómezek zilarrezko bi domina irabazi zituen (400 metro Azalera eta Errelebua 4x200 metro Azalera Emakumezkoen kategorietan) eta hiru brontze (800 eta 1.500 metro azalera eta 4x100 metroko erreleboa Azalera Emakumezkoen kategorietan).
Erantsitako dokumentuan duzu Nafarroako ordezkaritzak lortutako dominen zerrenda osoa.
